Të dhënat sugjerojnë se harta e Fortnite do të përmbytet para Season 2

YouTuberi i famshëm i Fortnite, Ali-A ka postuar një teori për eventin e përmbytjes së hartës së sezonin e parë të Chapter 2. Duke ndjekur eventin spektakolar të The End, lojtarët kanë pritur me padurim se çfarë do të rezervonin stadet e ardhshme të lojës për ta.

Teksa sezoni i parë i kapitullit të ri është duke ardhur drejt fundit, shumë fansa të battle royale-it kanë ardhur me teori të reja se si Epic Games do e përmbyllë këtë etapë të Fortnite. Një prej tyre ishte edhe youtuber-i i sipërpërmendur, që sugjeroi se harta e lojës mund të përmbytet. Ali-A gjithashtu tha se Poseidoni mund të luante një rol masiv në sezonin e ri.

“Një ide që më lindi ishte një dallgë e madhe që i vjen ishullit, duke shkaktuar dëme në hartë.” Ka thënë Ali-A.

YouTuberi përmendi edhe një teaser tjetër që është gjetur në 11 shkurt, ku një nga pikat e interesit të hartës lexonte “Noah“. Kjo mund të nënkuptojë ndoshta rikrijimin e ngjarjes së famshme biblike.

Është e paqartë nëse ky event i mundshëm do e lërë hartën e përmbytur përgjatë fillimit të sezonit të ri, por nëse ky event mbahet, ndryshimet në hartë janë të garantuara. Sezoni i parë i Chapter 2 do të mbyllet në 20 shkurt.