Një glitch mahnitës i zbuluar në Fortnite, mund të indikojë se si do të ndryshojë harta battle royale në një update të ardhshëm të Season 2. Sado që leaks të bërë së fundmi kanë bërë të ditur ekzistencën e helikopterave, një glitch i ri ka hedhur shenja drejt ndryshimeve të hartës, për të akomoduar automjetet e sipërpërmendura ajrore.
Duke ecur në Pleasant Park mbrëmjen e 4 marsit, përdoruesi i Reddit ‘Par4d0x9’ u mahnit nga një glitch që vërejti në distancë. Në vend që glitch-i të zhdukte ndonjë ndërtesë, ai zbuloi një terren komplet të alternuar. Lojtari zmadhoi vazhdimisht që të mund ta demonstronte këtë bug sa më mirë.
Tani për fatin tonë të keq, videoja është fshirë, por mund të shkoni në subreddit-in e postimit fillestar duke klikuar këtë link.
Me helikopterat që pritet të vijnë në update-in e ardhshëm të Fortnite, shumë njerëz në komunitetin e Fortnite mendojnë se ky glitch vizual është provë se në të ardhmen e lojës do të hapen zona në hartë, për të vendosur helikopterat. Fundja duhen disa pista për parkimin e tyre.
Ende nuk dihet se kur do të vijnë ekzaktësisht helikopterat në Fortnite, por me shumë gjasa në një pikë gjatë Season 2. Ne do të sigurohemi që t’ju mbajmë të informuar.