Ky glitch në Fortnite ju lë të ngisni Battle Bus para eventit të Galactus

Është zbuluar një glitch i ri me Fortnite Battle Bus, i cili ju lejon t’i jepni automjetit drejt Galactus, para eventit të Nexus War.

Më parë është sugjeruar se gjatë eventit të ardhshëm, lojtarët e Fortnite do të duhet të bashkohen në luftën kundër Galactus, duke mësuar të ngasin Battle Bus. Duket se glitchi më i fundit po i lejon lojtarët të bëjnë pikërisht këtë gjë.

YouTuber-i Glitch King ka zbuluar një truk të mirë se si lojtarët mund të qëndrojnë në Battle Bus pas fillimit të një loje dhe të shkojnë në vendin ku momentalisht ndodhet Galactus.

Ai shpjegoi se pas futjes në një limited time mode ku Battle Bus e ka rrugën nga personazhi i Marvel, duhet të shkëpusni internetin për një moment të vogël, pak para se autobusi t’ju hedhë në fund.

Automjeti i Fortnite do të vazhdojë të lëvizë drejt Galactus me personazhin tuaj brenda, duke ju dhënë një pamje më nga afër të atij që ndryshe njihet si Devourer of Worlds.

Sado që lojtarët me shumë mundësi do të kenë më shumë kontroll mbi Battle Bus kur të fillojë eventi, ky glitch të paktën i ndihmon ata të krijojnë një ide se si mund të duket eventi Nexus War.

Momentalisht është pak e paqartë se çfarë do të ndodhë në këtë event, por nuk do të na duhet të presim edhe shumë, pasi ai do të mbahet në datë 1 dhjetor.