Mund të merrni një glider në Fortnite me rastin e Vitit të Ri

Viti i ri erdhi dhe Epic Games po ju jep lojtarëve një dhuratë për të ruajtur shpirtin e festimeve në 2020. Sado që dhurata është falas, do ju duhet që të plotësoni një sfidë për ta marrë atë. Kjo e fundit ju kërkon që të shkoni në një nga plazhet e lojës dhe të ndizni fishekzjarre.

Do ju duhet të drejtoheni në Winterfest Lodge dhe të klikoni në flokun e dëborës në krye të menusë, pranë butonit Play, për ta filluar sfidën. Në momentin që jeni në shtëpizë, ju mund të klikoni te çorapja e varur pranë oxhakut dhe do të merrni sfidën në fjalë, por edhe sfidat e tjera të Winterfest që mund ti keni humbur deri tani.

Për ta përmbushur sfidën, do ju duhet që të ndizni një fishekzjarr të vetëm. Për aq kohë sa e dini se ku janë, duhet të jetë e thjeshtë për tu bërë. Më poshtë do të gjeni një hartë me të treja vendndodhjet ku mund t’ja nisni punës.

Pasi të arrini në nga këto tre vendndodhje, thjesht do ju duhet të drejtoheni për në plazh për të gjetur fishekzjarret. Ato janë fare të lehta për tu dalluar dhe do ju duhet të aktivizoni vetëm një për ta plotësuar sfidën.

Mund të jetë një ide e mirë që të parapërgatiteni pak, në rast se do e gjeni veten me disa lojtarë të tjerë në të njejtin vend. Duke qenë se ky glider është pjesë e sfidave të Fortnite Winterfest, do të keni kohë deri në 7 janar për ta fituar.