Antagonisti i tanishëm i Fortnite, Galactus, më në fund është shfaqur në battle royale. Kjo përmes një ndryshimi të vogël të bërë në patch v14.30 në datë 13 tetor. Personazhi i Marvel tashmë mund të dallohet në qiellin mbi Fortnite, pak para finales së Season 4.
Nëse po pyesni veten se ku është ai, thjesht duhet të ngrini kokën lart. Do të mund të dalloni kështu Devourer of Worlds si një pikë e vogël e kuqe në qiell. Ai është ende i vogël momentalisht, ndaj nëse nuk arrini ta shihni mirë, ska problem.
Sipas leaks, ai do të afrohet më shumë në finalen e Season 4 të Marvel. Modeli në lojë, që duket njëlloj si origjinali në trailerin e Fortnite x Marvel, është koduar me emrin “Distant_Object_2,” sipas iFireMonkey.