Një exploit në Fortnite i lejon lojtarët të futen mes ndërtimeve

Epic padyshim që duhet ta rregullojë sa më shpejtë

Fortnite padyshim që ka patur shumë bugs dhe exploits të çuditshëm në lojë. Ky bug i ri padyshim që është shumë problematik, pasi i lejon lojtarët të kalojnë mespërmes ndërtimeve të kundërshtarit.

Edhe pse zakonisht duke vendosur një çati sipër teje ti ndihesh i sigurt, ky bug e bën totalisht të padobishme çatinë, pasi lojtarët mund të kalojnë fare lehtë përmes ndërkohë që ti nuk ke kohë të karikosh armët ose të shërohesh.

Ky exploit u postua fillimisht në Reddit, ku ai tregon se si mund ta rikrijoni këtë bug në lojë.

Nëse vendosni një floor pranë një piramide dhe e shkatërroni piramidën deri në mes, ju mund të kaloni përmes asaj dhe të shkoni tek lojtari poshtë jush. Sipas komenteve në Reddit, kjo mund të riprodhohet dhe thjesht duke u vendosur ndaj një muri me shpinë dhe duke gërmuar poshtë.

Ende pritet të shohim se si Epic do të reagojë për këtë bug, por derisa diçka zyrtare të njoftohet, kini kujdes nga lojtarët që e abuzojnë atë.