Ditë e gjatë për Epic kjo e sotshmja.
Ditë e gjatë për Epic kjo e sotshmja.
Epic Games mori vendimin për të reduktuar koston e V-Bucks në Fortnite, për aq kohë sa ju i blini ato përmes një metode të preferuar pagese. Duke nisur që sot, Çdo V-Bucks që ju do të blini në PC, Mac, PlayStation, Xbox ose Switch do të ulet automatikisht me 20%.
Kjo vlente dhe për mobile, ku Epic prezantoi mënyrën e tij të pagesës që bëhej drejtpërdrejt përmes Epic. Pra nëse blinit V-Bucks nga Epic do i merrnit për $7.99, por nëse i blinit nga App Store ose PlayStore do të vazhdonin të kushtonin $9.99.
Sigurisht që kjo gjë nuk mund të kalonte pa u vënë re nga Apple, pasi kompania reagoi në mënyrë të menjëhershme, duke e hequr Fortnite nga App Store:
“Sot Epic Games shkeli rregullat e App Store që aplikohen të mënyrë të barabartë për çdo zhvillues dhe janë të dizenjuara për ta mbajtur dyqanin e sigurtë për të përdoruesit tanë,” tha Apple në një deklaratë. “Si rezultat, aplikacioni i Fortnite është hequr nga dyqani. Epic aktivizoi një veçori në aplikacionin e tij që nuk u shikua dhe nuk u miratua nga Apple. Kjo gjë u bë me qëllim për të shkelur rregullat e App Store përsa i përket pagesave brenda aplikacioneve, që aplikohen për çdo zhvillues që shet të mira dhe shërbime dixhitale.”
“Epic ka patur aplikacione brenda App Store për një dekadë tashmë dhe ka përfituar nga ekosistemi i App Store. Epic ra dakord për kushtet e përdorimit të App Store dhe ne jemi të kënaqur që ata kanë ndërtuar një biznes kaq të suksesshëm brenda dyqanit tonë. Fakti që interesat e tyre tani i çojnë drejt krijimit të kushteve specifike, nuk e ndryshon faktin që kushtet tona të përdorimit krijojnë një fushë të balancuar loje për të gjithë zhvilluesit. Do të bëjmë çdo përpjekie të mundur për të punuar me Epic, për ta zgjidhur këtë situatë, që ata të mund të kthehen në App Store.”
Pak pas situatës me Apple, Fortnite u hoq edhe nga Google Play Store për paisjet Android, për po të njejtat arsye që u hoq edhe nga App Store.
Gjithsesi, Fortnite ende mund të shkarkohet përmes aplikacionit të Epic Games dhe Samsung Galaxy Store, ndaj situata në android është më mirë se ajo në iPhones. Momentalisht nuk ka asnjë mënyrë për të shkarkuar Fortnite në paisjet e Apple.