Disa emra lojtarësh në Fortnite po bëjnë crash lojën

Nëse vrisni një lojtarë që ka emër me shkronja kineze, loja juaj do të bëjë freeze

Edhe pse Fortnite është loja më e madhe battle royale, ajo nuk është perfekte. Epic ka ende shumë punë me rregullimin e lojës në përgjithësi, pasi lojtarët kanë pasur probleme të shumta me serverat, ndërkohë që vorbullat në lojë nuk funksionojnë.

Një bug i ri ndërkohë është zbuluar, i cili ka në fakt disa sezone në lojë. Ai është zbuluar në Reddit nga një lojtar, i cili tregoi se kur ti vret një kundërshtar që ka shkronja kineze në emrin e tij të Epic, loja do të bëjë freeze.

Ky nuk ishte një problem që ndodh vetëm një herë, por në çdo rast që kundërshtari kishte shkronja kineze në emër. Lojtari madje tha se e ka hasur këtë problem dhe në sezonet e kaluara, por Epic nuk e ka rregulluar atë.

Të tjerë lojtarë thanë se e kishin hasur gjithashtu këtë bug. Duke qënë se është një bug i lidhur me emrin e lojtarëve, duhet që Epic ta investigojë atë dhe të gjejë një zgjidhje përpara se të bëhet një problem masiv.