Pas premierës së trailerit të Tenet të Christopher Nolan në Fortnite, Epic do të vazhdojë të mbajë evente live në lojë, duke sugjeruar transmetimin e plotë të një filmi të Nolan gjatë verës.
Meqë Epic është i dhënë pas elementit të surprizës, ende nuk është zbuluar se çfarë filmi do të jetë. Geoff Keighley foli për këtë event pas intervistës së tij me aktorin John David Washington, duke thënë se do të ishte një film i plotë ikonik i Nolan. Ai e njoftoi sërish në Twitter, por nuk ofroi më shumë detaje për këtë.
Fjala “ikonike” është mjaft subjektive. Keighley është tip entuziast, ndaj ndoshta mendon se të gjithë janë ikonikë. Duke marrë parasysh se kemi të bëjmë me Fortnite pastaj, ka gjasa të anojë më shumë nga ana e blockbusters.
Një nga trilogjia e Dark Knight duket goxha i mundur. Epic dhe DC tashmë kanë bashkëpunuar disa herë, fillimisht për 80 vjetorin e Batman dhe së fundmi për promovimin e Birds of Prey.
Të shohësh një film të tërë në ekranin brenda një loje teksa rrethohesh nga njerëz që kërcejnë dhe lëvizin, duket si një makth i vërtetë, por secili ka opinionet e veta.