Fortnite do të shtojë një hark dhe shigjetë eksplozive

“Archery can be a blast!”

Më herët gjatë këtij muaji një armë me emrin “explosive bow” bëri leak në internet. Pak javë më tutje tani dhe arma do ti shtohet update-it të ri v8.21. Lajmi vjen përmes Message of the Day në Fortnite, me tekstin “Archery can be a blast!” Është e vërtetë në fakt, sporti i harkut dhe shigjetës është fantastik. Herën e fundit që Fortnite përfshiu një hark në lojë askush nuk e përdori dhe përfundoi duke u hequr fare. Askush nuk e ka parë më që atëherë.

Armës fillimisht filluan ti hidhen të dhëna që nga nisja e sezonit të tetë përmes një Loading Screen. Ky i fundit hidhte shenja rreth shumë armëve të reja , sendeve dhe automjeteve, të cilat kanë ardhur të gjitha në lojë deri tani.

Gjithsesi nuk do të kishim artikull, nëse nuk do të kishte diçka që nuk shkonte me gjithë këtë situatë. Komuniteti i Fortnite nuk është fort i emocionuar për idenë e një arme të tillë në lojë. Shumica me argumentin se do të jetë shumë e fuqishme dhe do të rishkaktojë po të njejtat probleme si disa nga armët e tjera që janë bërë nerf.

E gjithë ideja se do të ketë një armë të heshtur që do të ketë shigjeta shpërthyese, të cilat me shumë mundësi lënë shumë dëme, tingëllon shumë e fuqishme. Le të shpresojmë që do ta balancojnë me shënjestër të ulet dhe municione të limituara.