Fortnite do të shtojë një armë të re së shpejti

Sot Epic Games njoftoi se një armë e re do të vijë së shpejti në Fortnite. Epic Games njoftoi se me update-in e ardhshëm të lojës një armë e re do të vijë në battle royale. Arma quhet Revolver dhe duket se është thjesht një version më i përmirësuar i revoles që u hoq para disa sezonesh. Sipas mesazhit të përmendur në lojë, arma është e thjeshtë dhe e fuqishme.

Siç mund ta dini kjo nuk është hera e parë që loja shton një revole në të. Kur mode-i battle royale u lançua, kishte të përfshirë një lloj revoleje. Me kalimin e kohës lojtarët nuk po e përdornin më, ndaj u bë vault. Le të shpresojmë që Epic Games të ketë bërë disa ndryshime, që arma të mos ketë të njejtin fat.