Fortnite do të shfaqë një skenë ekskluzive nga Star Wars: The Rise of Skywalker

Bëni gati kokoshkat!

Epic Games po përgatit një tjetër event në Fortnite, por këtë rradh duket se po marrin dhe pak ndihmë nga Star Wars.

Muajin e kaluar, seria fantastiko-shkencore e Disney dhe Lucasfilm filloi bashkëpunim me Fortnite duke sjellë në lojë skin-in e Imperial Stormtrooper. Por, gjatë ditëve të fundit, disa postera janë shfaqur nëpër ndërtesat në hartë, të cilat tregojnë se do të kemi një event Star Wars së shpejti.

Posterat reklamojnë se “një premierë ekskluzive” për filmin e ardhshëm të Star Wars: The Rise of Skywalker do të shfaqet në kinemanë e Risky Reels në 14 dhjetor.

Shfaqja fillon në 23:00 me orën tonë dhe dyert do të hapen 30 minuta më parë. Reklamat për këtë shfaqje thonë gjithashtu se regjizori i filmit J.J. Abrams mund të jetë pjesë.

Kjo nuk është hera e parë që Epic promovon një film në Fortnite. Më herët këtë vit, ata gjithashtu kanë krijuar një event për Avengers: Endgame, duke nxjerrë një mode me tematikë heronjsh, ku ata duhet të mposhtnin Thanos.