Fortnite do të njoftojë diçka speciale në Game Awards

Çfarë njoftimi mund të jetë ky?

Më vonë gjatë kësaj jave do të bëhet një njoftim i veçantë për Fortnite. Kjo është mësuar nga adresa zyrtare e lojës në Twitter.

Sipas postimit, njoftimi do të zbulohet në edicionin e këtij viti të Game Awards. Eventi do të mbahet në datë 12 dhjetor.

Në të shkuarën, janë zbuluar lajme goxha të mëdha në këtë event, jo vetëm për Fortnite, por për shumë lojëra të tjera. Me pak fjalë nëse do të zbulosh diçka të madhe për gaming, Game Awards është mundësia e duhur.

Vitin e shkuar në këtë event u njoftua The Block, një pjesë e hartës së Fortnite që tregonte krijimet e përdoruesve të tij. A do të kemi një njoftim të ngjashëm edhe këtë vit. Pas ardhjes së Chapter 2, është e vështirë për Epic të gjejë diçka që do i shokojë lojtarët më shumë. Gjithsesi mbetet të presim për të enjten e 12 dhjetorit për ta zbuluar.