Jo para shumë kohësh, Epic dhe NVIDIA premtuan se Fortnite do të merrte efekte ray tracing, suport për Deep Learning Super Sampling (DLSS) dhe edhe Reflex, teknologjia e re e zbuluar nga NVIDIA.
Dje, NVIDIA zbuloi se update-i do të lançohet ditën e enjte të datës 17 shtator, pra nesër. Ata gjithashtu kanë mundësuar më shumë informacion në efektet individuale të ray-tracing, si edhe krahasime që tregojnë përmirësimet e sjella nga RTX në Fortnite.
Ray-Traced Reflections: Ky setting shton reflektime realistike dhe super të sakta në pellgjet e ujit dhe sipërfaqe të tjera reflektuese në Fortnite.
Ray-Traced Shadows: Me ray tracing të aktivizuar, hijet dinamike të Fortnite marrin një upgrade shumë madhor, duke i bërë ato që të përhapen në mënyrë realistike brenda skenës.
Ray-Traced Ambient Occlusion: Aty ku objektet dhe sipërfaqet takohen me njëra-tjetrën, drita bllokohet, duke krijuar hije të lehta më të vogla. Në lojëra Ambient Occlusion (AO) është kyçe në realizimin e objekteve dhe detajeve të vogla.
Ray-Traced Global Illumination: Hartat e Fortnite janë të kompozuara me objekte të ndërtuara dhe të shkatërruara, duke parandaluar ndërveprimin e pre-baked light. Për shkak të kësaj, drita nga qielli janë të vetmet drita që e përshkojnë mjedisin. Ray-traced global illumination shton dritë tjetër që përthyhet në Fortnite.
Ka një kleçkë gjithsesi. NVIDIA rekomandon që të aktivizoni ray-traced reflections vetëm kur luani battle royale mode, ndërkohë që efekte të tjera të ray-tracing mund të ndizen në Creative Mode. Në fakt NVIDIA është duke përgatitur një RTX shocase map të quajtur ‘Treasure Run’, që do të jetë e disponueshme përmes Creative Mode.
DLSS gjithashtu u përmend lehtazi, duke thënë se do të përmirësojë performancën deri në tre herë.