Fortnite shton në armë të reja, mode dhe automjete gjatë gjithë kohës, por Epic Games ka në plan të ngadalësojë atë ritëm përpara finales së Fortnite World Cup në korrik. Një post i ri në faqen zyrtare të Fortnite-it shpjegon filozofinë e fundit të studios në balancimin e lojës për competetive play, një tematikë ku Epic pranon se nuk ka qenë aq aktiv në diskutimet me lojtarët.
Çfarë duhet të presim, ose ndoshta të mos presim teksa afrohet Fortnite World Cup? Gjërat e mëdha që mund të zhvendosin balancën e lojës si mjete të reja ndoshta do mbajnë frenat për një kohë dhe armë të fuqishme të reja ndoshta do të ngadalësohen gjithashtu. Kjo do ti lejojë lojtarët të praktikohen me vetëbesim duke e ditur se strategjitë e tyre nuk do të përmbysen nga disa shtesa të momentit të fundit.
Heqja e Siphon (fitimi i health/shields për çdo eliminim) u nxit edhe nga lojtarët konkurrues, edhe pse në këtë rast më shumë për arsyet e tyre personale. “Lojtarët në përgjithësi u bënë më të frustruar me Fortnite, sepse ndjeheshin sikur ata kishin më pak mundësi për shkak të ndeshjeve me lojtarë me aftësi më të mira dhe me health të plotë, “tha Epic. “Në fund të fundit, Siphon i leverdis më shumë një 10% të lojtarëve dhe nuk i leverdis 90% tjetër”.
E njejta gjë shkonte edhe për rregullimet e field-of-view që i jepnin përfitime pakicës së lojtarëve, duke vënë në disavantazh shumicën. Ideja e Epic për ta balancuar pak situatën mes lojtarëve është realisht e këndshme dhe e drejtë.