Fortnite Darkfire Bundle do të vijë për çdo platformë këtë fundvit

Darkfire Bundle do të ketë 13 cosmetic items

Fortnite Battle Royale mund të jetë një lojë falas, por kjo gjë nuk do e ndalojë Epic Games që ta vërë atë në raftet e dyqaneve gjatë sezonit festiv. Në një parntership me Warner Bros, Epic do të publikojë një paketë cosmetics për Fortnite që do të jetë e disponueshme për tu shkarkuar në mënyrë dixhitale, por edhe për tu blerë fizikisht.

Kjo paketë do të quhet Darkfire Bundle dhe sipas Epic, do të ketë brenda saj $80 vlerë cosmetics për vetëm $29.99 kur të lançohet në 5 nëntor.

Darkfire Bundle do të përfshijë tre Legendary skins, tre Legendary dual-wield pickaxes, tre Legendary Back Blings, tre Epic Wraps dhe një emote të re. Këto 13 items do e bëjnë këtë paketën më të madhe që ka patur Fortnite ndonjëherë.

Paketat e mëparëshme të Fortnite zakonisht përfshinin një ose dy skine bashkë me disa cosmetics. Këto gjithashtu ishin specifike për platforma të caktuara. Darkfire Bundle fillimisht mendohej të ishte e disponueshme vetëm në Nintendo Switch, Xbox One dhe PlayStation 4, por Epic njoftoi më vonë se ajo do të jetë e disponueshme në mënyrë dixhitale për të gjitha platformat, përfshirë këtu PC, Mac dhe mobile.