Fortnite do të sjellë një tjetër crossover me Tenet

Fortnite mund të sjellë një tjetër crossover me filmin e ardhshëm të Christopher Nolan, Tenet. Lojtarët kanë zbuluar një objekt të lidhur me Tenet, në bodrumin e Steamy Stacks, gjë që me shumë gjasa lidhet me një crossover tjetër të planifikuar përpara premierës së filmit në 26 gusht.

Objekti në fjalë, që mund ta shikoni edhe në foton më sipër është një kontenier portokalli me një cope trekëndore metalike sipër. Ju mund ta gjeni atë në unit 4 të Steamy Stacks. Pranë tij gjithashtu mund të dëgjohet një muzikë e zbehtë, që vjen nga soundtrack-u i trailerit të Tenet.

Më poshtë është një klip i një lojtari që e ka gjetur këtë gjë:

Askush nuk është fort i sigurtë për domethënien e kësaj, por duket se marrëveshja promocionale mes Epic dhe Tenet, ende nuk e ka arritur fundin e saj. Mbeten edhe disa javë përpara se të dalë filmi, ndaj gjasat janë që do të zbulojmë më shumë së shpejti.