Një crossover i Fortnite me Fall guys do të vijë së shpejti

Sipas një leak-u të ri, Fortnite dhe Fall Guys do të kenë një crossover në të ardhmen, me skine të reja që janë në punë e sipër për një numër të madh personazhesh.

Sado që Fortnite është në majë të famës, në këtë pikë e njejta gjë nuk mund të thuhet edhe për Fall Guys. Në një pikë Fall Guys ishte në qendër të vëmendjes dhe shumë lojëra dhe studio donin të bashkëpunonin me të.

Tani duket se Fall Guys ka disa ase të tjera nën mëngë, kur vjen puna te crossovers.

Sipas një leaku të ri nga FNLeaksandInfo, Fall Guys do të marrë skinet e Fortnite në të ardhmen e afërt, si një farë eventi crossover

Leaku përmend specifikisht skine për  “Llama, Cuddle Team Leader, Peely, Bunny Brawler, dhe Ripley.” Këto janë disa nga skinet më të njohura në Fortnite, ndaj përfshirja e tyre në Fall Guys praktikisht e konfirmon një crossover.

Fatkeqësisht nuk dimë shumë gjëra të tjera për crossoverin tani, por më shumë informacion pritet të vijë në të ardhmen.

Ky crossover nuk është i konfirmuar, por nëse kodi i tyre është shtuar në lojë së fundmi, gjasat janë që nuk do të na duhet të presim shumë para se ta zbulojmë.