Ja se si ta bëni Charge Shotgun më të shpejtë në Fortnite

Ky ndryshim e bën Charge Shotgun të gjuajë shumë më shpejtë

Charge Shotgun është një prej armëve të reja që ka ardhur në Fortnite Chapter 2 Season 3 dhe kjo armë ka padyshim disa karakteristika interesante. Siç na thotë dhe vetë emri, lojtarët mund të karikojnë plumbat e Charge Shotgun për më shumë damage, por kjo vonesë mund të prishë shumë punë në luftime.

Për të përdorur Charge Shotgun, lojtarët duhet të mbajnë shtypur butonin e majtë të mouse përpara se të gjuajnë, por ata gjithashtu mund të bëjnë double-click për të gjuajtur pa karikuar. Edhe kjo ka një vonesë të shkurtër, e cila mesa duket mund të hiqet.

Një lojtar i Fortnite ka zbuluar se nëse shkon në Keyboard Controls dhe vendos si secondary keybind për “Fire” Mouse Wheel Up, atëherë ti thjesht mund të bësh scroll lart dhe të gjuash pa pritur që plumbat të karikohen.

Pasi të ndiqni këto hapa, do të keni mundësi të gjuani me Charge Shotgun shumë shpejt. Edhe pse plumbat bëjnë më pak damage pasi nuk janë karikuar plotësisht, tani ju keni mundësi të gjuani shumë më shpejtë dhe të bëni më shumë dëm se kundërshtari juaj. Fatkeqësisht, kjo mund të përdoret vetëm për PC, pasi ende nuk është zbuluar një opsion i ngjashëm për controller.