Fortnite Chapter 2 Season 2 do të vijë me një engine të ri fizikash

Ky është ndryshimi më drastik që ka ardhur ndonjëherë në Fortnite

Tashmë që Epic ka zbuluar zyrtarisht datën e nisjes së Fortnite Chapter 2 Season 2, duket se sezoni i ri do të vijë gjithashtu edhe me një engine të ri për fizikat e lojës.

Postimi zyrtar i Epic konfirmon se Season 2 do të nisë në 20 shkurt dhe do të vijë me Update 11.50, i cili mbase mund të jetë një prej më të mëdhenjve në historinë e lojës, pasi Epic do të nisë të përdorë Chaos Physics Engine në Fortnite.

Chaos, i cili gjatë prezantimit në mars të 2019 u tha se do të sillte fizika hollivudiane, lejon për një shkatërrim më realistik dhe preçiz të mjedisit, siç mund ta shihni në demonstrimin e mëposhtëm në Unreal Engine. Kjo mund të thotë se në sezonin e ardhshëm objektet, ndërtimet dhe strukturat e tjera mund të shkatërrohen në mënyrë më realistike dhe preçize dhe jo më thjesht si blloqe.

Leaker-i i Fortnite HYPEX, i cili kishte parashikuar edhe më herët datën e nisjes së Season 2, shpërndau një video nga animatory ItsInvy që tregon se si do të ishte Fortnite nëse Epic do të sillte një engine më realistik për fizikat e lojës.

Ky ndryshim duket se i ka përçarë fansat dhe lojtarët e lojës, përfshirë këtu dhe Ninja, i cili tha se është entuziast por edhe në ankth për sezonin e ri.