Eventi do të jetë i ngjashëm me 14 Days of Fortnite
Eventi do të jetë i ngjashëm me 14 Days of Fortnite
Epic Games ka surprizuar lojtarët e Fortnite duke zbuluar se sezoni i parë i Fortnite Chapter 2 do të zgjatet, dhe gjithashtu do të ketë një event të ri të ngjashëm me 14 Days of Fortnite.
Zakonisht, një sezon në Fortnite zgjat 10 javë dhe ka zakonisht dhe disa ditë të tjera për përgatitjen e sezonit të ri, të quajtura “overtime”.
Për Season 1 të Chapter 2, duket se sezoni do të zgjasë më shumë, ndërkohë që Fortnite përgatitet për një event të ri festiv gjatë festave të fundvitit.
Në 2018, eventi 14 Days of Fortnite u pëlqye shumë nga lojtarët, prandaj presim që diçka e ngjashme të vijë sërish gjatë Krishtlindjeve dhe Vitit të Ri 2020.
Në 20 nëntor, pas lançimit të update v11.20, Epic postoi një shkrim të shkurtët në website duke konfirmuar se sezoni i tanishëm do të zgjatej.
“Me vitin e ri vijnë dhe fillime të reja. Vitin e kaluar festuam 14 Days of Fortnite gjatë pushimeve. Këtë vit kemi edhe më shumë kontent për t’ju dhuruar, përfshirë këtu veçori të reja në lojë, shpërblime falas dhe një eksperiencë live që nuk duhet ta humbisni. Për t’u përgatitur për update-t me tematikë pushimesh, do të zgjasim Fortnite Chapter 2 Season 1 deri në fillim të shkurtit. Bëhuni gati për dimrin!”
Nuk ka një datë ekzakte, me Epic që thjeshtë përmend fillimin e shkurtit si datën e mbarimit të Chapter 2 Season 1.
Ata gjithashtu nuk përmendën qartësisht rikthimin e 14 Days of Fortnite, por thanë se diçka e ngjashme, por më e madhe do të vijë.
Ata gjithashtu konfirmuan një event live në lojë, me shumë mundësi me tematikë Krishtlindjesh. Disa prej skin-eve të bëra leak nga update v11.20 kishin tematikë festive, prandaj me shumë mundësi ato do të jenë pjesë e eventit.
Eventet brenda lojës janë zakonisht momenti më i shumëpritur në çdo sezon, por deri tani nuk ka pasur asnjë event specifik në lojë për asnjë festë. Ky event me shumë mundësi do të nisë rreth mesit të dhjetorit, por asgjë nuk është konfirmuar.