Zhvilluesi i Fortnite sugjeron një bashkëpunim me G.I Joe Snake Eyes

Zhvilluesi i Fortnite Donald Mustard, fshehu disa të dhëna përsa i përket kontentit të ardhshëm që do të vijë në lojë, në një telefonatë që bëri së fundmi në zoom. Pozicionimi i një figurine të G.I Joe në sfond ka bindur disa lojtarë se një bashkëpunim është në punë e sipër.

Donald Mustard përdori një webcam gjatë telefonatës së tij në Zoom. Natyrshëm shikuesit mund të shihnin se në çfarë dhome ishte ai. Në vend që të mbulonte gjërat ai vendosi të luante një lojë. Ai shpërndau të dhëna rreth e qark dhomës që lidheshin me gjërat që do të vinin së shpejti në lojë.

Lojtarët e Fortnite u treguan të shkathët për të gjetur të dhëna. Kishte goxha gjëra brenda kornizës në fakt, por një nga sendet ra më në sy se të tjerët. Pikërisht figurina e G.I Joe që ndodhej mbi tavolinë.

Figurina është e Snake Eyes, një anëtar shumë i rëndësishëm i ekipit të G.I Joe. Ai është gjithashtu një nga personazhet më popullorë në histori dhe është përfshirë në historinë e çdo serie ose filmi në G.I Joe.

Ajo çfarë i bën gjërat edhe më interesante është se një film spin-off për të është përfolur të fillojë produksionin në 2021. Kjo gjë e bën edhe më të mundur bashkëpunimin mes Fortntie dhe G.I Joe.

Mbetet të presim dhe të shohim. Deri atëherë fansat mund të vazhdojnë të kënaqen me kontentin e Marvel në lojë.