Fortnite ka më shumë të ardhura dixhitale se çdo lojë tjetër për 2019

Viti i dytë ky që battle royale-i i Epic mban fronin.

Super Data, që merren me statistikat e shitjeve dixhitale të lojërave kanë lançuar raportin e tyre për fundin e këtij viti dhe gjeni se çfarë… Fortnite është sërish fituesja për vitin e dytë rresht. Battle royale-i i famshëm i Epic solli $1.8 miliardë të ardhura në vitin 2019, një rënie kjo nga shifra e parvjetshme prej $2.4 miliardë, por sërish mjaft mbreslënëse.

Sado që Fortnite ka më pak lojtarë se disa lojëra të tjera, është më e mira në të bërit të lojtarëve të shpenzojnë para në të. Një lojtar i Fortnite ka dy-fish më shumë gjasa të harxhojë para në lojë se një lojtar i League of Legends.

Përgjithësisht viti që lamë pas ishte një vit i mirë për anën dixhitale të industrisë së lojërave, me lojtarët që kanë shpenzuar rreth $120 miliardë në lojëra dixhitale, DLC dhe microtransactions të tjera. Në krahasim me 2018-n kjo është një rritje me 4%. Modeli free-to-play i lojërave vazhdon të jetë tepër i suksesshëm, nga ku 4 nga 5 dollarë dixhitale shpenzohen në lojëra falas.

Krahas Fortnite, shumica e lojërave që kishin fitime më të mëdha dixhitale, u dominuan nga mobile. Më poshtë është lista me 10 lojërat me fitimet më të mëdha.

1. Fortnite – $1.8 mld
2. Dungeon Fighter Online – $1.6 mld
3. Honour of Kings – $1.6 mld
4. League of Legends – $1.5 mld
5. Candy Crush Saga – $1.5 mld
6. Pokemon Go – $1.4 mld
7. Crossfire – $1.4 mld
8. Fate/Grand Order – $1.2 mld
9. Game for Peace – $1.2 mld
10. Last Shelter: Survival – $1.2 mld

Sado që nuk ja dolën në listën e dhjetë të parave, Apex Legends, Call of Duty Mobile, dhe Mario Kart: World Tour gjithashtu patën një vit të mirë, duke sjellë me qindra miliona të ardhura për publisherat e tyre. Në të njejtën kohë, shitjet e VR headsets kishin një rritje të lehtë, kryesisht prej lançimit të Oculus Quest.