Totali i lojtarëve të Fortnite është tashmë më i madh se popullësia e Shteteve të Bashkuara, vendi i tretë më i populluar në botë dhe më shumë se dyfishi i njerëzve që jetojnë në Japoni. Kjo sipas shifrave të publikuara nga Epic Games sot.
Loja e famshme battle royale tashmë ka më shumë se 350 milionë lojtarë të regjistruar. Vetëm gjatë prillit lojtarët shpenzuan 3.2 miliardë orë në lojë.
Fortnite now has over 350 million registered players! In April, players spent over 3.2 billion hours in game. 🙌🥳
— Fortnite (@FortniteGame) May 6, 2020
Let’s keep the party going with our Party Royale Premiere LIVE on May 8 at 9PM ET featuring @DillonFrancis @steveaoki @deadmau5: https://t.co/H18c3UgBL1 pic.twitter.com/Cgt3r7LXQO
Në mars të 2019s, Fortnite kishte 250 milionë adresa të regjistruara. Kjo do të thotë se battle royale-i i famshëm ka marrë mbi 100 milionë lojtarë të rinj vetëm brenda një viti. Ecuria këtu është masive, duke marrë parasysh se ky është afërsisht sa numri i përafërt i lojtarëve të League of Legends, që kishte një maksimum prej 111 milion lojtarësh mujore në gusht të 2018s.
Fortnite ka ende rrugë para gjithsesi, nëse do të bëhet loja me më shumë lojtarë. Momentalisht këtë nder e ka CrossFire, që është dhjetë vite më e vjetër se Fortnite dhe ka 660 milionë adresa të regjistruara në të.
Epic do e festojë këtë arritje me premierën e Party Royale, një livestream një orë me DJ Dillon Francis, Steve Aoki dhe Deadmau5 në datë 8 maj në 8 pm CT.
Krahas kësaj kushdo që bën log in në Fortnite nga e premtja e datës 8 maj në 5pm CT deri në të hënën e datës 11 maj në 9 am CT, do të marrë Neon Wings back bling falas.