Ekzistojnë vetëm 20 shoferë aktivë të Formula 1 në botë. Secili e arriti nivelin e lartë dhe kompetativ të ngarjes pas orëve të palodhura pune në pistë. Por McLaren, skuadra e dytë më e suksesshme në historinë e Formula 1, së bashku me përfaqësuesit e F1, po i drejtohen një rrugë të re : esports.
Sado që esports dhe sportet tradicionale kanë disa të përbashkëta (fansat, zhargonin dhe pasionin), ata nuk mund të ishin më ndryshe nga ana fizike. Esports kërkon nivele të larta finese dhe përqendrimi(përmes levës së kontrollit), kurse sportet e jetës së përditshme duan aksion dhe lëvizshmëri.
Gjatë një paneli në Circuit of the Americas, pak momente para startimit të fundjavës së Formula 1, përfaqësuesit botës reale dhe virtuale të Formula 1 u mblodhën për të diskutuar bashkimin e këtyre dy të fundit.
Frank Arthofer, kryetari i medias dixhitale shprehet se : “E bukura e garimit në esports është se i afrohet shumë më shumë realitetit se sa sportet e tjera. Krijohet mundësia që lojtarët të zhvillojnë aftësi në versionin praktik të atij sporti. Të dyja anët e medalies janë të vështira në menyrën e tyre, por kjo është ajo ç’ka i krijon Formula 1 mundësinë e të qenurit sporti me emocionues që esports dhe bota reale mund të ofrojë”
Shoferët e Formula 1 kanë përdorur me kohë stimulues për të zëvendësuar pista garimi që mund të kenë qenë shumë larg ose shumë të zëna. Kjo i ndihmon ata në memorien e tyre muskulare dhe iu jep mundësinë të kryejnë një performance më të mire në garë. Henry Chilcott-përgjegjësi i marketingut në McLaren Group- thotë se Fernando Alonso ka bërë diku te 500-600 praktika të tilla.
“Ne po konsiderojmë mundësinë e eksplorimit të menyrave të reja për të sjell talent të ri në këtë sport. Ndoshta esports mund të na ndihmojë me këtë. Sigurisht ai X person do duhet të ketë sasinë e duhur të fatit dhe përkushtimit. Ky partnership për ne ka sjellë asete shumë të vlefshme në marketing dhe përqasje të lojës me botën reale.”
Kjo lloj ideologjie sjell prova që teknologjia po maturohet në një pikë ku lejon zhvillim dhe transferim aftësish në jetën reale. Sidoqoftë mundësia e gjetjes së talenteve sportive në esports mbetet ende një teori. Rruga për këtë lloj realizimi është e gjatë dhe e mbushur me sfida të mbingarkuara por jo të pamundura. Dyshimet ende hidhen në ajër për këtë lloj realizimi, por do të ishte diçka vërtet historike nëse do të mund ta shikonim të ndodhte në të ardhmen.