Fundjava falas e For Honor do të nisë këtë të enjte

Loja gjithashtu do të ketë 80% ulje

Loja third-person fighting e 2017 nga Ubisoft, For Honor, do të jetë falas këtë fundjavë në PlayStation 4, Xbox One dhe PC. Duke nisur nga kjo e enjte, do të keni akses në çdo gjë që vjen me Standard Edition të lojës, përfshirë këtu campaign dhe multiplayer.

Në PlayStation 4 dhe Xbox One do të keni mundësi ta shkarkoni lojën falas duke nisur nga ora 9:01. Në PC, në Uplay dhe Epic Games Store do të mund ta shkarkoni lojën duke nisur nga ora 15:00, ndërsa në Steam do të duhet të prisni deri në 19:00.

Fundjava falas e For Honor përfundon në orën 8:00 më dt. 26 për lojtarët në konsola, ndërsa lojtarët në PC kanë kohë deri në 22:00 më dt. 27.

Ubisoft ka sjellë update të shumta për For Honor që prej lançimit të lojës, ku përfshihet expansion-i Year of the Reckoning me heronj, loot dhe një battle pass. Nëse doni ta blini For Honor, gjatë kësaj fundjave keni mundësi ta bëni këtë gjë me 80% ulje.