Fansat e eventit të Oscars morën një “dhuratë” të madhe në Twitter pardje dhe shpresojmë se atyre nuk iu prish surpriza mbi ceremoninë. Një postim në Twitter filloi të krijonte raundet nga llogaria zyrtare e Academy of Motion Picture Arts and Sciences me një foto të titulluar “Parashikimet e mia”, duke treguar një listë të plotë të “fituesve” për Oscars. Sapo tweet-i filloi të shfaqej, fansat në internet menduan se ky postim mund të tregojë fituesit e Academy Awards të 92-të në mënyrë të plotë dhe aksidentale. Fatkeqësisht, nuk është kështu.
Megjithëse ju nuk mund ta shihni vetë postimin në Twitter më poshtë, pasi është fshirë, ne kemi një imazh që tregon parashikimet e plota të bëra ng llogaria zyrtare e Oscars. Gjithsesi, ne mendojmë se kjo nuk është gjë tjetër veçse një shtytje e madhe për marketing nga Akademia përpara ceremonisë së çmimeve të dielën. Para se tweet-i të ishte live, Akademia kishte postuar një status të veçantë ku thuhej: “Mendoni se e dini se kush do të marrë në shtëpi një Oscar këtë vit? Bëni parashikimet tuaja #Oscars dhe shihini të Dielën, 9 Shkurt për të parë nëse kishit të drejtë!” dhe duke drejtuar përdoruesit në një aplikacion ku ata mund të bënin parashikimet e tyre. Pra, “My Predictions” nga faqja e Akademisë në Twitter janë në dukje vetëm zgjedhjet nga Social Media Manager i llogarisë ose të kompanisë së marketingut që konceptoi idenë.
Sa për atë që u përfshi në postimin në Twitter, Parasite i Bong Joon Ho ishte parashikuar të fitonte Best Picture, Best Original Screenplay, Best International Feature dhe Best Production Design. Joker ishte parashikuar të fitonte Best Actor (Joaquin Phoenix), Best Original Score dhe Best Editing. Mbani në mend edhe një herë, këto janë parashikime të bëra për të promovuar një aplikacion që fansat të bëjnë parashikimet e tyre, jo një tregues i asaj që do të përfundojë duke marrë në shtëpi një Oscar të dielën.