Raportimet më të fundit financiare kanë zbuluar se sado që të ardhurat e Fortnite janë rritur pak në sezonin e 9, loja sërish ka rënë që nga viti i shkuar. Në maj të këtij viti loja bëri $203 milion në të gjitha platformat, një rënie kjo me 38% nga Maji i 2018s.
Rënia vjen si pasojë e lojtarëve në mobile, që kanë shpenzuar më pak para në lojë. Në këtë sektorë është kalkuluar një zbritje me 6%. Sektori i mobile është vendi ku Fortnite ka fitimet më të mëdha, më shumë se vetë konsolat dhe PC e kombinuara.
Rrjedhimisht Fortnite bie në vent të pestë në listën e lojërave me rritjen më të mirë dixhitale, ku League of Legends vazhdon të mbajë vendin e parë si loja që bën më shumë para në PC. Në mobile Fortnite nuk ja ka dalë të hyjë në dhjetëshe, por gjithsesi vazhdon të jetë loja me rritjen më të madhe në konsola.
Fortnite i përmirësoi fitimet e saj në maj, si pasojë e ardhjes së sezonit të ri, që me fjalë të tjera do të thotë një battlepass të ri që lojtarët mund ta blejnë.
Renditja për lojërat me rritjen më të madhe në PC ka marrë një trajtë interesante. Pas LoL-it, kemi Dungeon Fighter Online, Fantasy Westward Journey Online II dhe CrossFire, që kanë popullaritet masiv në Kinë.
Fortnite pason në vend të pestë. Më pas është Total War: Three Kingdoms në vend të gjashtë, World of Tanks në vend të shtatë, Tom Clancy’s The Division 2 dhe Overwatch dhe Dota 2 respektivisht në vend të nëntë dhe të dhjetë.