Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mbi 44 milion shikues ndoqën FunPlus Phoenix teksa këta të fundit shkatërruan G2 Esports.
Finalja e Kampionatit Botëror 2019 midis G2 Esports të Europës dhe FunPlus Phoenix të Kinës ishte ndeshja më e shikuar në League of Legends në historinë 10-vjeçare të lojës. Seria e shpejtë me tre ndeshje e zhvilluar në Paris solli një audiencë mesatare prej 21.8 milion shikuesish për minutë dhe 44 milion shikues të njëkohsishëm, duke mposhtur rekordin e vitit të kaluar, sipas Riot Games.
FPX fitoi serinë në mënyrë dominuese, duke shtypur shpresat dhe ëndrrat e favoritëve vendas, G2. Gao “Tian” Tian-Liang u shpall MVP-ja i serisë pasi manovroi rivalin Marcin “Jankos” Jankowski në xhungël dhe kontrolloi lojën nga ana e sipërme e hartës.
G2 u përpoq të rikthehej në lojë me disa zgjedhje jo-tradicionale në të dy korsitë e mesme dhe të poshtme, por loja agresive e FPX, mposhtja e kullave herët në lojë dhe ‘teamfighting’ e çuan ekipin në fitoren 3-0.
Finalet u transmetuan në 16 gjuhë dhe në më shumë se 20 platforma. Dhe në javët në vazhdim që nga ndeshja, Riot ka mbledhur, vërtetuar dhe standardizuar të dhënat e shikimit për të përcaktuar rekordin e ri mesatar të audiencës.
Audienca mesatare për minutë (AMA) është një metodë e përdorur për të llogaritur numrin mesatar të shikuesve që shikojnë një transmetim, të përcaktuar me minuta të shikuara të ndara me numrin e përgjithshëm të shikimit. Në rastin e Riot, kjo shtrihet në shumë platforma, duke përfshirë Twitch, YouTube dhe Douyu të Kinës.
Duke marrë parasysh kohën e shkurtër të përballjes dhe mos-përputhjen me orarin optimal të shikuesve nga Amerika e Veriut, Worlds ishte një sukses i madh për Riot. Eventi përfshiu një ceremoni spektakolare hapës me shfaqje muzikore live nga Cailin Russo, Chrissy Costanza, dhe grupi i League, True Damage. Ironikisht, kënga e turneut titullohej “Phoenix”, me të njëjtin emër si kampionët kinezë të eventit.
Për lajme të mëtejshme mbi League of Legends dhe çka rrethon të, klikoni këtë link
