Ekipet e play-in janë vendosur në grupet e tyre
Ekipet e play-in janë vendosur në grupet e tyre
Faza play-in e League of Legends Worlds 2019 tashmë ka përfunduar dhe Clutch Gaming, Splyce, Damwon Gaming dhe Hong Kong Attitude janë ekipet që janë kualifikuar për në fazën e grupeve.
Pas një ndeshjeje mjaft të luftuar mes Splyce dhe Unicorns of Love ditën e djeshme ku këta të fundit dolën të mposhtur, Riot Games hodhi shortin për të caktuar se në cilin grup do të luanin katër ekipet e kualifikuara.
Splyce ishin ekipi i parë që u zgjodh, por për shkak se G2 Esports, një tjetër ekip europian, ishte në Grupin A, ata u vendosën në Grupin B. Damwon më pas u vendosën në Grupin D. Kjo do të thoshte se HKA do të vendosej në Grupin A, ndërkohë që Clutch Gaming do të kalonte në Grupin C, që tashmë është dukshëm Grupi i Vdekjes.
HKA ishin të detyruar të ishin në Grupin A pasi ishin i vetmi ekip që mund të futej për shkak të rajoneve të ekipeve të tjera. Clutch, në anën tjetër, mund të luanin në Grupin B ose C, por u detyruan të vendoseshin në Grupin C pasi as Splyce dhe as Damwon nuk mund të vendoseshin në atë grup.
Faza e grupeve të Worlds 2019 do të nisë në 12 tetor kur Fnatic do të përballet me SK Telecom T1 në ndeshjen hapëse të fazës së grupeve.