Filmi Jumanji do të vijë si një videolojë me katër lojtarë

Bëhuni gati të viheni në vendin e Dwayne The Rock Johnson, Jack black, Kevin Hart dhe Karen Gillan në Jumanji: The Video Game.

Bandai Namco Entertainment Europe, Outright Games dhe Funsolve janë vënë në bashkëpunim me Sony Pictures për të sjellë një videolojë të bazuar në filmin më të fundit të Jumanji. Jumanji: The Video Game do të lançohet në 15 nëntor, një muaj para lançimit të filmit të tretë të Jumanji, që është ende i patitulluar.

Videoloja do të lejojë katër lojtarë që të luajnë së bashku online ose në mode-in split-screen. Lojtarët do të ndihmojnë njëri-tjetrin dhe do të kombinojnë aftësitë e tyre unike për të qëndruar gjallë dhe për të zbuluar mënyrën e të dalurit nga loja.

E bukura është se filmi në të cilin është bazuar videoloja e ka sjellë historinë e Jumanji përmes një videolojë dhe jo një loje tavoline, si versioni i ’95.

Gameplay ende nuk është publikuar, por më poshtë do të gjeni disa screenshote. Nga ana vizuale loja të ngjason pak me Fortnite. Avatarët e personazheve shfaqen duke u hedhur në xhungël në fillim të videos dhe për një arsye të panjohur Rock nuk është aq muskuloz sa ç’jemi mësuar ta shohim gjithmonë, por ndoshta as ne nuk duhet të kemi kaq shumë teka.

Jumanji: The Video Game do të lançohet në Nintendo Switch, PlayStation 4, Xbox One dhe PC.