Filmi i ri i Mortal Kombat do të ketë Fatalities me pullë të kuqe

Një tentativë për të rregulluar problemet me filmat e parë Mortal Kombat

Ndërkohë që jeni duke pritur për luftëtarët e ardhshëm në Mortal Kombat 11 DLC, shumë përmbajtje pritet të vijë nga bota e Mortal Kombat, përfshirë këtu dhe një tjetër film. Ai pritet të vijë në mars të 2021 dhe nëse gjithçka shkon sipas planit do t’i nisë xhirimet së shpejti.

Megjithatë, ka një pikë kyçe ku kanë dështuar filmat e parë Mortal Kombat dhe ajo është dhuna. Lojërat nuk janë popullore vetëm sepse janë të mira, por gjithashtu sepse kanë shumë dhunë brenda tyre, me Fatalities që janë pjesë e Mortal Kombat po aq sa Scorpion, Sub-Zero dhe historitë e ngatërruara.

Sipas skenaristit të filmit Greg Russo, do të shohim më në fund Johnny Cage duke rrahur dikë për vdekje me një Oscar në ekranin e madh. Ka kohë që flitet për këtë gjë, por Russo ka konfirmuar se filmi i Mortal Kombat do të ketë pullë të kuqe dhe gjithashtu do të sjelli Fatalities për herë të parë në një film Mortal Kombat.

Edhe pse personazhet mund të vriteshin në filmat e tjerë Mortal Kombat, siç ndodhi me Sonya Blade që i këputi qafën Kano në 1995, kjo nuk ndodhte asnjëherë me brutalitetin që kemi parë në lojëra që nga 1992. Russo deklaroi në Twitter se kjo gjë nuk do të ndodhte më dhe se Fatalities nga lojërat do të vinin, por pa zbuluar se cilat.