Me shumë gjasa për shkak të COVID-19.
Me shumë gjasa për shkak të COVID-19.
Adaptimi filmik i Monster Hunter, me protagoniste Milla Jovovich dhe nën regjinë e Paul W. S. Anderson, është vonuar. Lançimi i tij fillestar ishte planifikuar për në 4 shtator, por tani është shtyrë për në 23 gusht të vitit të ardhshëm. Mendohet se kjo ka ardhur si pasojë e përhapjes së coronavirus.
Filmi i Monster Hunter, me një buxhet prej $60 milionë, është xhiruar në Afrikën e Jugut dhe tregon historinë e një grupi ushtarësh nga Toka, që janë transportuar në botën e Monster Hunter. Nga ajo pikë po hamendësojmë se ata do të duhet të vrasin kafshë të mëdha që të bëjnë rroba me gëzofin e tyre.
Sado që ideja e personazheve kryesore, që bien nga një portal është pak e konsumuar, veshjet dhe armët e mëdha, duket se janë përshtatur mjaft mirë me lojën.
Meqë jemi te loja, update-i i fundit për Monster Hunter World: Iceborn doli këtë muaj. Ai shtoi Alatreon, Blazing Black Dragon.