Sipas disa raporteve është zbuluar se filmi i Grand Theft Auto është në zhvillim
Sipas disa raporteve është zbuluar se filmi i Grand Theft Auto është në zhvillim
Pavarësisht asnjë lajmi rreth lojës së ardhshme të GTA 6, mesa duket se Rockstar është duke u fokusuar në diçka tjetër në lidhje me serinë e GTA. Sipas një raporti, filmi i Grand Theft Auto ka mundësi të vijë përpara serisë së ardhshme të lojës. Ketë gjë e ka konfirmuar i njëjti burim i cili zbuloi se Resident Evil 4 remake dhe seria e The Witcher Netflix do të vinin së shpejti para se të konfirmoheshin.
Në ketë raport thuhet se projekti është akoma në fazat e para dhe do të adaptojë ngjarjet e GTA V duke na sjellë versionet live-action të karaktereve Michael, Franklin dhe Trevor. Në ketë pikë është e vështirë të specifikosh se cilët do të jenë aktorët por me shumë mundësi do të jenë voice actors nga loja të cilët kësaj here do të aktrojnë.
Për shkak të suksesit të madh të GTA Online e cila ka vazhdon të ketë lojtarë të rinj çdo ditë, Rockstar dhe Take Two nuk do të kenë arsye që të nxitojnë në lançimin e një loje të gjashtë të GTA. Për shkak të situatës së krijuar nga pandemia, industria e filmave ka patur shumë probleme kohët e fundit. E njëjta gjë vlen edhe për zhvilluesit e lojërave të cilët kanë vonuar shumë projekte kohët e fundit.