Ka mundësi që në të ardhmen të shohim Dwayne Johnson në filmin e Borderlands si Claptrap. Drejtori krijues Paul Sage e diskutoi këtë preferencë të tij gjatë një interviste të mbajtur ditët e fundit.
Një film i Borderlands është për momenin në punim e sipër me Lionsgate. Producenti i Venom, Avi Arad, do të jetë në mbikqyrje të projektit. Filmi do të frymëzohet nga lojërat, por do të ketë një protagonsite femër në të.
Mund të presim edhe personazhe të tjerë të preferuar të shfaqen në film. Këtu përfshijmë edhe robotin e vogël dhe të verdhë që flet shpejt, Claptrap.
Kur Paul Sage u pyet se kush aktor do të donte të luante Claptrap në ekran dhe ai u shpreh: “Kush mund ta luajë Claptrap? Mendoj The Rock. Po, The Rock duhet ta luajë Claptrap!”
Scott Kester, drejtori i artit, reagoi në një mënyrë të tillë kur ju tha dëshira e Sage: “Do The Rock si zë apo që ta veshi si Claptrap? Sepse nëse do ta veshi si ai, jam shumë dakord me të.”
Duke qenë se ende nuk e dimë nëse filmi i Borderlands do të jetë i animuar apo live-action, nuk mund të arrijmë në asnjë hamendësim për momentin.