Lojtarët e FIFA 21 po e dashurojnë fizikën e re të flokëve

FIFA 21 ka dalë zyrtarisht në PS5 dhe Xbox Series X. Gjenerata e ardhshme e konsolave sjell një larmi përmirësimesh, përfshirë loading më të shpejtë dhe audion e përmirësuar. Sidoqoftë, një tipar në veçanti që i ka rënë në sy lojtarëve në FIFA 21: flokët.

Fizika e flokëve të lojës i ka bërë përshtypje njerëzve në Push Square. Aq sa Zëvendës Redaktori i faqes në internet postoi një klip që tregon lëvizjen realiste të flokëve të lojës. Klipi prej gjashtë sekondash në fjalë tregon portierin e Liverpool, Allison Becker. Pasi një përpjekje për të shënuar duket se largohet nga shtylla e djathtë, Becker feston dhe ju mund të shihni fijet e flokëve të Becker që në mënyrë reale lëvizin goxha gjatë asaj lëvizjeje, siç do të ndodhte në jetën reale.

Teknologjia e re e fizikës së flokëve është ajo që i bën flokët e rinj të duken si ndonjë reklam shampoje kundra zbokthit. Duke përdorur engine-in ekskluziv të EA, Frostbite, fizika e shtuar e flokëve është vetëm një nga prekjet e reja të FIFA 21. Të dy versionet PS5 dhe Xbox Series X, premtojnë t’u ofrojnë lojtarëve një përvojë më realiste. Pamjet vizuale, ndriçimi i animacionit, madje edhe tingujt janë të gjitha dukshëm më autentike se kurrë më parë. Versioni i gjeneratës së ardhshme të FIFA 21 përfshin disa brohoritje të ndryshme të turmave të kapura nga disa nga ligat më të mëdha të këtij sporti në botë, siç është Premier League.

Pjesë e planeve të përditësimit të PS5 dhe Xbox Series X të EA-s; fizika e re e flokëve tregon vërtet hapin tjetër përpara në realizmin e videolojërave. FIFA 21 është pa dyshim loja më realiste e futbollit ndonjëherë, hiqni faktin që superylli shqiptar, Dua Lipa është një personazh i luajtshëm në lojë.

FIFA 21 mund të luhet tashmë në PC, PS4, PS5, Switch, Xbox One dhe Xbox Series X/S. Gjithashtu, për sigurohuni të klikoni këtu, për të lexuar review-në tonë për FIFA 21.