Si të luani FIFA 21 para datës së lançimit nëpërmjet EA Access

Ja se si do të funksionojë EA Access për FIFA 21

EA Sports kanë disa javë që i japin lojtarëve informacione për FIFA 21 që prej zbulimit më 19 qershor, ndërkohë që më 23 korrik u zbulua trailer-i i ri i lojës. Shumë gjëra kanë ndryshuar për të, përfshirë këtu versionin Online të Volta, ndryshime në Career Mode dhe Eric Cantona që do të jetë letra e parë ICON në FIFA Ultimate Team.

Tani, lojtarët duan vetëm që të dinë se kur do të mund ta luajnë lojën. Nëse keni patur edhe më parë EA Access, e dini se nëpërmjet abonimit ju mund të merrni disa lojëra për t’i luajtur, si dhe gjithashtu mund të luani FIFA-t e reja përpara datës zyrtare të lançimit.

Data zyrtare e lançimit të FIFA 21 do të jetë më 9 tetor 2020 për versionin standard, ndërsa versionet Ultimate ose Champions, nëse bëhen pre-order, mund të luhen 3 ditë më herët. Ndërkohë, EA Access ju jep mundësi të luani FIFA 21 duke nisur nga 1 tetori.

EA Access ju jep mundësi të luani Ultimate Team, Career Mode, Pro Clubs, ose thjesht të shikoni menutë për 10 orë, derisa koha juaj të mbarojë. Gjatë këtij 10-orëshi, ju do të nisni campaign-in tuaj si menaxher ose të ndërtoni ekipin tuaj FUT. Nëse keni EA Access, ju gjithashtu do të mund të merrni 10% ulje për lojën dhe 10% ulje për të gjitha FIFA Points.

EA Access mund të përdoret për të treja platformta kryesore të FIFA, pra Xbox One, PlayStation 4 dhe PC. Ende nuk dihet nëse EA Access do t’ju japë lojtarëve FIFA 21 në Xbox Series X dhe PlayStation 5. Gjithsesi, EA Sports kanë konfirmuar se nëse bleni FIFA 21 në Xbox One dhe PS4, ju do të mund ta luani edhe në konsolat e gjeneratës së ardhshme.

EA Access nuk ju jep vetëm ju akses disa ditë më herët në FIFA 21, por gjithashtu ju jep edhe lojërat e tjera të Electroni Arts. Nëse jeni të interesuar për ta blerë, EA Access kushton $4.99 në muaj ose $29.99 për një vit të plotë.