FIFA 20: Volta është duke ndjekur hapat e Fortnite për të tërhequr lojtarët

Mode-i i ri i FIFA 20, Volta është një nga gjërat për të cilën lojtarët janë më të emocionuar. Pikë së pari sepse është një rikujtim i FIFA Street dhe së dyti sepse do i lejojë lojtarët të jenë krijues në lojë, ky një nga elementët që e ka bërë dhe Fortnite të jetë suksesi që është sot.

‘Volta’, në portugalisht për rikthim, do i lejojë lojtarët ta kthejnë futbollin sërish në rrugë, larg arenave të klubeve të mëdha. Sado që një pjesë e mirë e fokusit të kompanisë ka qenë te gameplay, EA Sports i ka kushtuar shumë rëndësi që produkti i këtij viti të jetë lehtësisht i personalizueshëm, në mënyrë që të gjithë të tregojnë stilin e tyre krijues në botën e Volta.

Në Fortnite, përdoruesit ka të drejtën që ti modifikojnë skinet, kostumet, armët dhe pjesët e tjera të mjedisit që i rrethon. Volta do të aplikojë një model të ngjashëm, që do i lejojë lojtarët të shpalosin imagjinatën dhe individualitetin përmes rrobave, logove, stadiumeve dhe avatarëve.

Sipas drejtorit krijues të EA Sports, Matt Prior, aftësi për të krijuar brenda Volta do të jetë një ndryshim revolucionar për seritë e FIFA, që do të vazhdojë të evoluojë me kalimin e viteve.

“Mendoj se Volta ju ofron përdoruesve një lloj kreativiteti që nuk ka qenë kurrë më parë në FIFA.” Është shprehur ai.

“Vetë komuniteti i Volta do të jetë gjatë gjithë kohës në zgjerim e sipër. Skuadrat me të cilat luani dhe viheni kundër, qoftë online ose offline do të jenë të gjeneruara nga vetë përdoruesi. Do të ketë njerëz që do ti bashkohen lojës më vonë dhe do të krijojnë avatarët dhe skuadrat e tyre individuale.”

Me trendin e ri që lojërat kanë për tu update-uar vazhdimisht, Volta do të ndjekë modelin live service të FIFA Ultimate Team.

“Do të bëjmë disa seanca live, ndaj do të prezantojmë shumë tipare të reja me kalimin e kohës në lojë. Ajo çfarë do të shihni në disk nuk do të jetë e gjitha. Nëse do i qëndroni besnik lojës do të shikoni kontent të ri të vijë në të. Gjithashtu do të prezantojmë turnamente përmes saj.”

“Ditët kur loja mbetet e njejtë pasi futet në disk dhe paketohet kanë ikur. Shumë lojëra, si edhe në rastin e FUT ofrojnë modelin live service dhe kjo është diçka që gamerat duhet ta presin nga çdo lojë tashmë. Mendoj se Volta është forumi më i mirë për ta bërë këtë.”

Volta do të jetë pjesë e FIFA 20, e cila do të lançohet në 27 shtator të këtij viti.