FIFA 20 pati shitjet më të mëdha fizike të çdo loje të lançuar në 2019

Megjithatë, kjo nuk është e gjitha

FIFA 20, siç pritej nga të gjithë, është loja më e shitur këtë vit në Mbretërinë e Bashkuar. Ajo kryeson listat e kopjeve fizike për çdo platformë pas lançimit të saj në dy faza gjatë javës së kaluar.

Megjithatë, kjo nuk është e vetmja gjë që tregojnë këto shifra. Sipas gamesindustry.biz, shitjet fizike të lojës janë ulur me 7% në krahasim me ato të FIFA 19. Duke parë më me imtësi detajet, versioni për Playstation 4, i cili përbënte 61% të shitjeve të FIFA 20 javën e kaluar, shiti më pak se versioni i PS4 i FIFA 19. Megjithatë, versionet e Xbox One dhe Nintendo Switch.

Shitjet e versionit të Xbox One të FIFA 20 përbënin 38% të shitjeve, ndërkohë që versioni “Legacy” në Nintendo Switch i lojës përbënte vetëm 1% të shitjeve. Versioni në Switch është në vetvete thjesht një update-im i ekipeve dhe nuk ka shumë prej veçorive të versioneve për PS4 dhe Xbox One. Gjithashtu duhet përmendur se versioni për PC i FIFA 20 nuk është regjistruar pasi kompania mat vetëm shitjet fizike të lojës.

Pyetja që lind është nëse shitjet online të FIFA 20 arritën të rrisnin numrin e shitjeve të përgjithshme të FIFA 20. EA nuk i zbulon numrat e shkarkimeve në Origin dhe Microsoft dhe Sony nuk i zbulon numrat e shkarkimit në dyqanet e tyre, pra kjo gjë nuk mund të thuhet me siguri.

Padyshim që shitjet nuk janë e vetmja gjë e rëndësishme për një lojës si FIFA. EA pret të marrë fitime nga loja nëpërmjet FIFA Ultimate Team, që sjell çdo vitë miliarda dollarë për kompaninë.

Një fakt mjaft interesant është se në lançimin e saj FIFA 18 ka shitur më shumë kopje se I GJITHË tregu i videolojërave gjatë javës së parë të lançimit të FIFA 20 (816,985 kopje).

Më poshtë mund të shikoni listën e plotë të 10 lojërave më të shitura të kësaj jave: