FIFA 19 mund Red Dead Redemption 2 në shitjet në Europë

Europa preferon më shumë FIFA 19 se sa Red Dead Redemption 2.

FIFA 19 e EA ishte loja më e shitur në Europë për vitin 2018, duke mundur kështu edhe të famshmen Red Dead Redemption 2. Instalimi më i fundit i Activision në seritë e Call of Duty, Black Ops 4 ishte në vend të tretë.

Shifrat e shitjeve u mblodhën nga Gfk Entertainment, të cilët ndjekin pas shitjet fizike të lojërave nga 15 shtete Europiane përfshirë këtu: Austrinë, Belgjikën, Danimarkën, Gjermaninë, Finlandën, Francën, Italinë, Hollandën, Norvegjinë, Poloninë, Portugalinë, Suedinë, Zvicrën, Spanjën dhe Mbretërinë e Bashkuar.

Për të qenë të sinqertë FIFA 19 u lançua një muaj para Red Dead 2 të Rockstar, por edhe nëse gjërat do kishin vajtur ndryshe nuk besojmë se do të kishte ndonjë dallim të madh. Fundja perëndimi i egër është diçka që tërheq më shumë frymën amerikane, ashtu siç futbolli tërheq shumë frymën Europiane.