Rework-u duket i tmerrshëm
Rework-u duket i tmerrshëm
Riot Games tha më herët se rework-u i Fiddlesticks është shumë afër. Megjithatë, as ky paralajmërmi nuk mjaftoi për të përgatitur lojtarët e League of Legends për trailer-in e tmerrshëm që u publikue.
Një frikë antike rizgjohet në trailer-in Terror in Demacia, ku Fiddlesticks shihet duke gjuajtur prenë e tij në errësirën e natës.
Riot e nis këtë trailer me një bisedim midis dy luftëtarëve pranë një zjarri. Hëna e plotë është deri diku e fshehur nga retë e errëta, ndërkohë që korbat përplasin krahët mbi kokat e tyre. Ndërkohë që luftëtarët diskutojnë përbuzjen e tyre për magjistarët e Runeterra, ata ndërpriten nga një zhurmë e çuditshme në pyll.
Kur një luftëtar zhduket, tjetri vrapon drejt pyllit për të parë se çfarë po ndodh. Pasi arrin në vendin ku miku i tij supozohet të jetë, trupi i tij zhduket në pluhur, ndërkohë që një britmë ndihme dëgjohet.
E vetmja gjë që luftëtari sheh është një fener që varet në armët e një dordoleci. Asgjë e frikshme apo jo? Gabim.
Ndërkohë që korbat vazhdojnë të krakëlliten në qiell, dordoleci i drejton sytë e tij të kuq drejt viktimës së dytë. Pylli sërish bie në qetësi, ndërkohë që dëgjohet vetëm një fjalë, e thënë nga diçka që duket sikur vjen nga një botë tjetër – Fiddlesticks.
Edhe pse nuk ka një datë lançimi, ky teaser tmerrues na bën të mendojmë se rework-u i Fiddlesticks do të vijë së shpejti.