Një studim i fundit në UK ka zbuluar se fëmijët mes moshave 4 dhe 14 vjeç kanë më shumë gjasa të shpenzojnë para në lojëra si Fortnite ose Roblox se sa në sende të tjera që zakonisht preferohen prej fëmijëve, si ëmbëlsirat përshembull.
Sado që kjo grupmoshë nuk njihet tradicionalisht që shpenzon para, ja vlen të përmendim se interesat dhe mënyrat e të sjellurit kanë ndryshuar drastikisht në krahasim me gjeneratat e mëparëshme.
Një nga problemet që duhet të zgjidhim është besimi se Fortnite është një lojë për fëmijë. Sado që fëmijët zakonisht luajnë Fortnite, kryesisht sepse është falas dhe e disponueshme kudo, është më mirë të thuash që Fortnite është një lojë për të gjithë se sa një për fëmijë. Kjo vërtetohet nga fakti që Epic ka punuar mëse mjaftueshëm për të ruajtur aksesibilitetin e lojës së tij nga një gamë e gjerë njerëzish.
Sado që është e dukshme që grupmosha që luan Fortnite është deri diku më e re se lojërat e tjera, kjo nuk do të thotë që nuk luan dot Fortnite po të mos jesh fëmijë.
Fakti që brezat e rinj janë më të tërhequr ndaj të shpenzuarit të parave në Fortnite se fëmijët tradicionale, nuk është domosdoshmërisht një gjë e keqe. Nëse shpenzon më pak para në ëmbëlsira do të thotë që po ha më pak sheqer, që nga njëra anë i bie të jetë më e shëndetshme.
Gjithsesi, benefitet shëndetësore të Fortnite janë për t’u vënë në pikëpyetje, pasi Fortnite në vetëvete i inkurajon lojtarët që të mbeten inaktivë gjatë lojërave të tyre. Por të paktën kjo nënkupton që fëmijët kanë ndërruar mendjen kur vjen puna për gjërat që ata mendojnë se meritojnë paratë e tyre, mbi të gjitha kur konsideron se sa pakëz kanë.