Senati i SHBA nuk ja doli që të miratonte një amandament ditën e mërkurë, për të limituar aftësinë e FBI për të mbledhur informacione nga ‘search history’ e qytetarëve amerikan. Ky rishikim i USA Freedom Reauthorization Act of 2020 dështoi me një rezultat votimi prej 59-37.
USA Freedom Reauthorization Act of 2020 nuk i mundëson FBI aftësi të reja për të spiunuar amerikanët, por restauron fuqitë që agjensia tashmë ka patur prej vitesh. Kjo aftësi për të mbledhur të dhëna personale vjen nga Patriot Act i 2001, që rriti në mënyrë dramatike aftësinë e qeverisë për të spiunuar qytetarët amerikanë.
Teknikisht ky ligj ka qenë i skaduar që nga data 15 mars, por një votim i mbajtur së fundmi e rimiratoi Reauthorization Act. Senatori Ron Wyden ka shpjeguar se si ka funksionuar ky proces që nga 2001:
“Momentalisht qeveria mund të mbledhë të dhëna nga kërkimet në internet pa një mandat kërkimi, sipas seksionit 215 të Patriot Act. Ky i fundit ka qenë që nga fillimi më kontradiktori dhe më i rrezikshmi i ligjit FISA. Kjo sepse është jashtëzakonisht i gjerë dhe shumë i diskutueshëm. Nën seksionin 215 qeveria ka të drejtë që të mbledhë ç’do llojë informacioni, për aq kohë sa ajo mendon se ky është i nevojshëm në investigimin e një çështjeje. Këtu preket çdo individ dhe nuk është nevoja që ata të kenë bërë ndonjë gjë gabim. Nuk është as nevoja që ata të kenë qenë në kontakt me ndonjë person që dyshohet që ka bërë diçka. Për aq kohë sa informacioni i tyre personal konsiderohet relevant me atë që është duke kërkuar qeveria.”
Ishte Wyden dhe Senatori Steve Daines ata që propozuan rishikimin e këtij ligji, i cili thjesht do të kishte hequr aksesimin e të dhënave personale që mundësonte Patriot Act.
Katër senatorë nuk ishin prezentë në këtë votim, kur ndër ta mund të përmendim Bernie Sanders.