Lajmërimi erdhi ditën e sotshme në mënyrë të papritur
Lajmërimi erdhi ditën e sotshme në mënyrë të papritur
Një prej emrave më të njohur në botën e esports do të bashkëpunojë me një prej ekipeve më të mëdha të futbollit në botë. Sot, Manchester City zbuloi një bashkëpunim me FaZe Clan, që klubi thotë se “do të sjellë së bashku dy audiencat në mënyra mjaft interesante dhe të reja“.
Detajet janë ende jo shumë të qarta, por duket se të dyja palët do të bashkëpunojnë në atë që FaZe bën më mirë: krijimi i përmbjatjes popullore dhe merch të limituar. City thotë se të dyja “do të krijojnë përmbajtje tërheqëse me talentet dhe lojtarët, si dhe do të ketë evente ekskluzive për fansat në SHBA dhe çdo vend të botës” si dhe gjithashtu do të lançohen “produkte të limituara me të dyja logot“. Në anën e esports, City dhe FaZe do të sjellin së bashku lojtarët e tyre të FIFA për t’u trajnuar së bashku.
“Ne kuptojmë që fansat duan të tregojnë dashurinë e tyre për futbollin në shumë aspekte të jetës së tyre” – tha Nuria Tarre, drejtore marketingu e City, – “përfshirë këtu modën, muzikën dhe gaming, për të krijuar një kulturë jashtë asaj çka ndodh në fushë“.
Ky është një bashkim i dy emrave shumë të mëdhenj dhe në njëfarë mënyre është diçka që është bërë trend për ekipet e mëdhaja të futbollit. Gjigandët europianë të esports Fnatic kanë bashkëpunuar me AS Roma në 2017, ndërkohë që Paris Saint-Germain po bashkëpunon me LGD për një ekip në Dota 2. Të tjera klube janë futur në botën e esports vetëm, siç janë Schalke 04 me një ekip të suksesshëm në League of Legends dhe Barcelona në Rocket League.
Për FaZe Clan, ky bashkëpunim është i fundit i një liste të gjatë bashkëpunimesh me emra të mëdhenj. Këtu përfshihen firmat e rrobave Champion dhe New Era si dhe rreperat Lil Yachty dhe Offset. “Lojtarët, ata janë si puna e yjeve të rrokut,” – tha Offset kur zyrtarizoi bashkëpunimin me FaZe. “Ata kanë ndjekës të shumtë, influencojnë fëmijët dhe këtë gjë e bëj dhe unë. Është organike. Këta tipa janë të paparë.“