Kur vjen puna te Far Cry, ka një arsye pse loja bën dallim nga të tjerat. Arsyeja për këtë qëndron pas antagonistit të saj. Vaas në Far Cry 3 është një nga figurat më të shquara në historinë e të këqinjve në videolojëra. Mund të imagjinoni pse fansat u emocionuan, kur filluan të dilnin të dhënë për rikthimin e tij në seritë e lojës. A do ta shohim Vaas sërish në Far Cry 6?
Këto të dhëna vijnë nga aktori i dubluesit të tij. Në një intervistë të mbajtur së fundmi, Michael Mando, zëri pas personazhit të famshëm foli për rolin dhe eksperiencën e tij. Ajo që nuk dinim ishte se si Mando kishte ndihmuar në krijimin e Vaas, duke e bërë këtë një projekt pasioni për të. Në fakt ai komentoi dy herë për mundësinë e tij në rikthimin për këtë rol.
Nësa ajo që Mando sugjeron është e vërtetë atëherë Vaas mund të rikthehet në serinë e lojërave të Far Cry, me shumë gjasa për Far Cry 6. Tashmë e dimë se një vazdhim për instalimin e tretë nuk është i mundur, por kjo nuk e pengon atë që të rikthehet për një histori të shkëlqyer hakmarrje.
Sidoqoftë nëse ky nuk është rasti që do të ndodhë, ka edhe një skenar tjetër më të arsyeshsëm. Ndoshta mund të marrim një prequel të Far Cry 3, që ndjek Vaas në hapat e tij të para drejt krimit. Nëse kjo është e vërtetë gjërat do të ishin edhe më emocionuese, pasi do të ishte diçka që ende nuk e kemi parë në seri.
Për momentin Ubisoft është e fokusuar në lançimin e gods and Monsters dhe Watch Dogs Legion, të cilat janë vonuar për shkak të shitjeve të dobëta të vitit të shkuar.