Çdo gjë që dimë deri më tani për Far Cry 6

Pavarësisht një vonese në lançimin e lojës, Far Cry 6 vazhdon të jetë një nga lojërat më të pritura. Ka shumë hype rreth saj dhe drejtimit që Ubisoft do i japi lojës. Ja çdo gjë që dimë deri më tani për të.

Data e lançimit të Far Cry 6

Deri më tani, Far Cry 6 mendohej të lançohej në 18 shkurt të 2021. Gjithsesi fansat morën një lajm zhgënjyes.

Në 29 tetor të 2020 ekipi i Far Cry 6 foli për vendimin e tyre për të shtyrë lançimin e lojës. Kjo u zbulua nga Ubisoft në një nga mbledhjet financiare të kompanisë, ku të dyja lojërat Far Cry 6 dhe Rainbow Six Siege Quarantine, u vonuan për shkak të pandemisë.

Tani, Ubisoft ka njoftuar se loja do të lançohet pas prillit të 2021, por jo më vonë se marsi i 2022. Sado që kjo është një hapësirë shumë e madhe kohore, shpresojmë se do të marrim një datë konkrete lançimi sa më shpejt të jetë e mundur.

Trailers për Far Cry 6

Mund të themi me bindje se Ubisoft ka qëlluar në shenjë me trailerin e Far Cry 6 dhe ka lënë hapësirë për zhvillimin e një narrative fantastike. Shikojeni më poshtë:

Historia e Far Cry 6

Për fatin tonë të mirë, Ubisoft  ka ndarë shumë informacione për historinë e Far Cry 6 dhe deri më tani ajo duket shumë e mirë.

Far Cry 6 do të zhvillohet në Yara, një vend tropikal nën udhëheqjen e diktatorit Anton Castillo. Diferenca e skajshme mes shtresës së varfër dhe të pasur në Yara po rritet gjithmonë e më shumë, ndaj kanë filluar revolucionet e para.

Këtu fillon roli i lojtarit. Ju do të viheni në vendin e Dani Rojas, një luftëtar lirie i lindur dhe i rritur në Yara. Historia padyshim do të ndjekë tentativat e Dani për të hedhur poshtë Castillo dhe të birin e tij Diego, për të liruar vendin.

Gjithashtu dimë se Castillo dhe Diego kanë një rol të madh në narrativë, ndaj mund të themi me bindje se historia do të jetë sa komplekse aq edhe interesante.

Platformat e Far Cry 6

Ubisoft ka konfirmuar të gjitha platformat ku do të lançohet Far Cry 6. Ato janë si më poshtë:

• PlayStation 5
• PlayStation 4
• Xbox Series X/S
• Xbox One
• PC
• Google Stadia

A do të jetë Vaas në Far Cry 6?

Për shumë fansa të Far Cry, instalimi i tretë prezantoi një nga antagonistët më të mirë në historinë e videolojërave: Vaas Montenegro. Për këtë arsye ka shumë spekulime se ai mund të bëjë një rikthim në Far Cry 6.

Joe Skrebels nga IGN ka vërejtur një ngjashmëri interesante mes Diego dhe Vaas, që i ka emocionuar shumë fansat e Far Cry.

Sado që kjo nuk konfirmon që Diego është një variant më i vogël i Vaas, është një zbulim interesante që mund të shërbejë si një e dhënë e vogël nga zhvilluesit.

Për momentin kjo është çdo gjë që dimë për instalimin e gjashtë të Far Cry. Padyshim që Ubisoft do të na japë më shumë informacion në të ardhmen, ndaj qëndroni të update-uar.