AI ndjek lojtarët në lojë dhe më pas jep sugjerimet e saj
AI ndjek lojtarët në lojë dhe më pas jep sugjerimet e saj
Një ekip entuziastësh të CS:GO kanë krijuar një program të ri AI i cili ndjek performancën e lojtarëve në lojë dhe më pas jep sugjerime se në cilat pika të lojës së tyre ata duhet të përmirësohen.
Counter Strike është nga ato lojëra që mësohet mjaft shpejt, por është shumë e vështirë për t’u mjeshtëruar si nga lojtarët e thjeshtë ashtu dhe nga ata profesionistë. Nëse keni probleme me ruajtjen e rankut tuaj, mund të jetë e vështirë të gjesh arsyen ekzakte se pse po ndodh kjo gjë, prandaj një grup fansash të CS:GO kanë krijuar një program që e bën këtë gjë për ju.
Përdoruesi i Reddit SunTzuYAO postoi punën që ai dhe miku i tij thecatontheflat kishin bërë për të krijuar këtë program AI dhe shpjeguan se si ai i ndihmon lojtarët të përmirësohen.
“Një shërbim që përdor AI për të analizuar replay-t e tua, për të identifikuar pikat e tua të dobëta dhe për të të treguar se ku duhet të punosh” – tha SunTzu. “Ai gjithashtu të jep një ide se si je duke u përmirësuar në fusha të ndryshme të lojës, në mënyrë që të kuptosh nëse praktika juaj po jep rezultate.“
Programi i SunTzuYAO funksionon duke analizuar replay-t e lojërave të lojtarëve dhe më pas i krahason ato me lojtarët e tjerë të të njëjtit rank si dhe me lojtaërt profesionistë.
“Shërbimi merr automatikisht replay-t nga lojërat tuaja Faceit (Steam/MM + ESEA do të vijnë së shpejti) dhe më pas të tregon disa fusha të ndryshme duke të treguar se sa mirë po luan ti në krahasim me nivelin që ti cakton” – shpjeguan krijuesit.
Programi gjithashtu i tregon lojtarëve sesi ata po progresojnë në secilën prej aftësive kyçe, që lojtarët të kenë mundësi të dinë se në cilat fusha duhet të fokusohen.
Ky program momentalisht është në closed beta, por krijuesit shpresojnë që të vazhdojnë ta përmirësojnë dhe të shtojnë më shumë opsione në të me kalimin e kohës. Të gjithë ata që janë të interesuar mund të regjistrohen për closed beta-n e këtij programi (të quajtur Leetify) këtu.
Nuk është se programi i SunTzuYAO dhe thecatontheflat do ju bëjë menjëherë yllin e ardhshëm të CS:GO, por me shumë mundësi ai do ju ndihmojë të kaloni ndonjë rank më shumë.