Fansat e Pokemon kanë prova se një njoftim për një loje të re po vjen

Pokemon Day mund të jetë dita e shumëpritur.

Fansat e Pokemon besojnë se një njoftim i ri loje do të vijë këtë javë dhe për ta vërtetuar këtë teori, ata po i drejtohen postimeve të vazhdueshme nga adresa zyrtare e Pokemon në Twitter.

Shkurti po vjen drejt fundit dhe ne ende nuk kemi marrë një njoftim zyrtar mbi ndonjë lojë të re të Pokemon. Ndonëse e dimë se një lojë e re e Pokemon supozohet të lançohet këtë vit, disa prej lojëtarëve po bëhet të paduruar në mungesën e këtij njoftimi. Në fund të fundit, kjo lojë e re do të jetë e para në seritë kryesore të lojërave të Pokemon për Nintendo Switch.

Dita e Pokemon e njohur ndryshe si përvjetori i lançimit të lojës së parë Pokemon është javën e ardhshme dhe shumë prej fansave mendojnë se kjo do të jetë dita perfekte për ta lançuar atë. Disa prej tyre madje besojnë se Pokemon Company është duke hedhur shenja drejt një loje të ardhshme me një seri postimesh në Twitter që nënvijëzojnë rajone të ndryshme të botës së Pokemon. Më herët gjatë kësaj jave, adresa zyrtare e Pokemon filloi të publikonte video mbi pjesë të ndryshme të botës së Pokemon, duke filluar me rajonin Kanto.

Pokemon Company po poston nga një video për ditë, pasi ka shtatë rajone zyrtare të Pokemon. Seria e videove i bie të mbyllet ditën e përvjetorit të lojës së parë, vetëm nëse kanë planifikuar ndonjë video të tetë që do shfaqë një rajon të ri të supozuar. Ka shumë qarkullime rreth një loje të re Pokemon që do të vijë së shpejti, por derisa ta shohim me sytë tanë, çdo gjë mbetet një hamendësim.