Aktivistët dhe gamer-at do të mblidhen në protestë kundër sjellieve censuruese të Blizzard gjatë BlizzCon 2019
Aktivistët dhe gamer-at do të mblidhen në protestë kundër sjellieve censuruese të Blizzard gjatë BlizzCon 2019
BlizzCon 2019 është bërë pikë interesi për të mbajtur një protestë masivve kundër Blizzard, pasi shkeli lirinë e fjalës në situatën me Blitzchung.
Kjo lëvizje është ndërmarrë nga një organizatë jofitimprurëse e quajtur Fight for the Future, që përbëhet nga aktivistët dhe gamers. Vetë lëvizja është quajtur Gamers for Freedom dhe qëllimi i saj është ti bëjë thirrje lojtarëve që të tregojnë suportin e tyre duke mbështetur protestën kundër Blizzard në BlizzCon 2019 muajin e ardhshëm.
“Liria e të shprehurit është një e drejtë themelore e njeriut dhe është e tmerrshme të mendosh se një kompani Amerikane (Blizzard) të ka marrë paratë dhe vendin e punës, vetëm sepse ti kërkon liri të shprehuri,” është shprehur Evan Greer, drejtori i Fight for the Future.
Telashet filluan të mblidheshin për Blizzard pasi kompania mori masa strikte kundër lojtarit pro të Hearthstone, Blitzchung, pasi ai bëri thirrje për të liruar Hong Kong në transmetim live. Blizzard jo vetëm që i bëri ban për një vit dhe nuk i dha lekët, por pushoi nga puna edhe komentatorët që ishin aty me të.
Kjo situatë solli tërbim në të gjithë komunitetin e Hearthstone dhe jo vetëm, ku lojtarët filluan të kërcënonin se do e bojkotonin kompaninë. Brian Kibler, një prezantues dhe streamer pro, kritikoi Blizzard për gjykimin e ashpër dhe deklaroi se nuk do të përfshihej më nëpër turnamentet e Hearthstone.
Moderatorët e Hearthstone gjithashtu do ti bashkohen protestës. Mark Kern, ish kreu i World of Warcraft vanilla, i kërkoi lojtarëve që të dilnin në protestë kundër qëndrimit të kompanisë.
Të gjitha këto gumëzhima e detyruan Blizzard që të mbante një deklaratë gjatë fundjavës, ku kompania i reduktoi ban-in Blitzchung në gjashtë muaj dhe premtoi ti jepte paratë. Kompania gjithashtu theksoi se relatat me investitorët Kinezë nuk kishin të bënin fare me vendimin e tyre.
Është ende e pakonfirmuar nëse protestuesit kanë në plan të futen brenda BlizzCon 2019, apo ta mbajnë protestën jashtë vendit të eventit. Cilido qoftë rasti, protestuesve ju është kërkuar që të vijnë në cosplay me tabela kundër Blizzard. Le të themi që Blizzard do i duhet të punojë ca orë shtesë që ta mbajë BlizzCon 2019 të sigurtë.
BlizzCon 2019 do të mbahet gjatë datave 1-2 nëntor në Anaheim Convention Center në Kaliforni. Kompania madje mund të bëjë ndonjë zbulim të rëndësishëm…khëm Diablo 4…me gjithë këtë kontraditë prezente nga ana e publikut.