Disa fansa po e marrin Xbox Series X një muaj para lançimit

Të tjerët duhet të presin edhe një muaj.

Lançimi i Xbox Series X është mjaft afër dhe me mijëra fansa janë të emocionuar për të marrë konsolën e re. Gjithsesi duket se disa kanë mundur ta bëjnë këtë gjë që tani, pasi disa shitës kanë marrë dërgesat e para të konsolave.

Nibellion, një burim i brendshëm i industrisë, ka hedhur një postim të Reddit në Twitter , që tregon disa paketime të konsolës Xbox Series X në një magazinë, gati për t’u dërguar diku ose për t’u shitur.

Disa fansa kanë mundur të marrin Xbox Series X në shtëpitë e tyre dhe të postojnë një video të plotë unboxing në YouTube. Videoja tregon atë që përfshihet në kuti dhe se si çdo item është mbështjellë. Është e paqartë se si ky person ja doli të merrte një kopje të konsolës thuajse një muaj para lançimit të saj ose nëse Microsoft e ka miratuar këtë gjë apo jo.

Fansat do të duhet të presin deri në 10 nëntor për të marrë kopjen e tyre të Xbox Series X, nëse kishin mjaftueshëm fat sa të siguronin një pre-order. Për ata që ende po kërkojnë për një konsolë, do e gjejnë përgjatë vitit, pasi Microsoft konfirmoi se më shumë kopje të saj do të jenë të disponueshme në lançim.